18.09.2015
Timor-Leste hahú koalia kona ba fronteira marítima ho Indonézia. Negosiasaun formal ba fronteira marítima permanente ida entre Estadu rua ne’e sei hahú iha 2016.
11.04.2016.
Timor-Leste hahú Konsiliasaun Obrigatória ho Austrália tuir Nasoens Unidas nia Konvensaun ba Lei Tasi nian (UNCLOS).
13.04.2016
S.E. Ministru Kay Rala Xanana Gusmão, Xefi Negosiador hasoru Nasoens Sekretáriu-Jeral Naseons Unidas nian Ban Ki-moon iha Nova Iorke hafoin lansa tiha konsiliasaun obrigatória tuir UNCLOS.
11.05.2016
Timor-Leste no Austrália, idak-idak hili konsiliador nain rua, hodi harii Komisaun Konsiliasaun ba prosesu Konsiliasaun Obrigatória ne’e.
25.06.2016
Konsiliador nain ha’at ne’e hamutuk hili membru dalima ba Komisaun Konsiliasaun, ida ne’ebé mós sai hanesan Prezidente ba Komisaun ne’e.
28.07.2016
Reuniaun dahuluk ba prosesu Konsiliasaun Obrigatória halo iha Haia, iha Olanda.
29.08.2016
Timor-Leste fó sai nia kazu ba públiku iha Komisaun Konsiliasaun nia oin hodi halo aprezentasaun durante minute 90 nia laran. Audénsia ne’e fó sai direita liu husi Tribunal Arbitrajen Permanente (PCA) nia website. Timor-Leste lansa Dokumentu Polítika kona-ba Fronteiras Marítimas iha Díli, Timor-Leste no iha Palásiu Dame, iha Haia.
30.08.2016
Austrália dezafia Komisaun Konsiliasaun nia kompeténsia.
19.09.2016
Komisaun Konsiliasaun desidi ho lian ida deit katak sira iha kompeténsia hodi kontinua ho prosesu ne’e.
10.10.2016
Timor-Leste ho Austrália konkorda ba pakote medida integradu ida hodi kria kondisaun hodi hetan akordu ida ba fronteiras marítimas.
09.01.2017
Timor-Leste notifika Austrália kona-ba nia intensaun hodi termina Tratadu Ajuste Marítimu Balu iha Tasi Timor (CMATS) ne’ebé asina iha 2006, tratadu provizóriu ida hodi fahe rekursu sira.
16.01.2017
Timor-Leste no Austrália halao reuniaun konfidénsial balu ho Komisaun Konsiliasaun iha Singapura.
20.01.2017
Timor-Leste hapara kazu arbritrazen rua kontra Austrália relasiona ho jurisdisaun fiskal no alegada espionajen durante halo negosiasaun ba tratadu CMATS.
26.03.2017
Timor-Leste no Austrália halao reuniaun konfidénsial balu ho Komisaun Konsiliasaun iha Washington D.C., EUA.
10.04.2017
Tratadu CMATS mate.
06.06.2017
Timor-Leste no Austrália halao reuniaun konfidénsial balu ho Komisaun Konsiliasaun iha Kopenhagua, Dinamarka.
28.07.2017
Timor-Leste no Austrália kontinua partisipa iha sorumutuk sira ho Komisaun Konsiliasaun hodi hetan solusaun ida ba disputa fronteira marítima iha Tasi Timor.
28.08.2017

Timor-Leste no Austrália kontinua partisipa iha sorumutuk sira ho Komisaun Konsiliasaun hodi buka solusaun ba disputa fronteira marítima iha Tasi Timor. Iha 30 Agostu 2017, Timor-Leste no Austrália hetan akordu prinsípiu kona-ba akordu abranjente ida ba fronteira marítima.

9.10.2017

Timor-Leste no Austrália hetan akordu ida kona-ba testu kompletu ba tratadu esbosu ida hanesan antisipa ona iha Akordu Pakote Abranjente 30 Agostu 2017 nian.

23.07.2019

Parlamentu Nasional ratifika ona Tratadu Fronteira Marítima istóriku no aprova ona lei proposta 4: Alterasaun ba Lei Tributária, Rejime Laboral no Migratóriu Espesial, Alterasaun ba Lei Atividades Petrolíferu, no Alterasaun ba Fundu Petrolíferu.

06.03.2018

Timor-Leste ho Austrália asina ona Tratadu Fronteira Marítima istóriku iha Sede Nasoens Unidas nian iha Nova Iorke.

30.08.2018

Timor-Leste lansa ‘Fronteiras Foun: Timor-Leste nia Konsiliasaun Istórika kona-ba Fronteiras Marítimas iha Tasi Timor’.

30.08.2019

Primeiru-Ministru Timor-Leste ho Austrália, Taur Matan Ruak no Scott Morrison troka nota diplomátika hodi hatudu katak Tratadu Fronteira Marítima iha Tasi Timor ne’e hahú vigora ona. Serimónia ne’e hala’o iha Palacio do Governo iha Díli.

Troka nota diplomátika ne’e marka hakat ikus ba prosesu naruk ne’ebé hahú tinan tolu liu ba, iha Haia, ne’ebé Timor-Leste hili hodi hahú Komisaun Konsiliasaun ida tuir Nasoens Unidas nia Konvensaun kona-ba Lei Tasi nian (UNCLOS).

AVIZU LEGAL

AVIZU IMPORTANTE

Website ida ne’e Gabinete Fronteiras Marítimas husi Konsellu ba Delimitasaun Definitiva ba Fronteiras Marítimas fornese hodi fasilita ema sira ne’ebé lee website ida ne’e, atu aprende kona ba Timor-Leste nia luta ba fronteirs marítimas permanente. Konsellu ba Delimitasaun Definitiva ba Fronteiras Marítimas no Gabinete Fronteiras Marítimas la simu responsabilidade legal saida deit ba konfiansa ba informasaun saida deit mak iha website ne’e (inklui link ba dokumentu esternu sira). Informasaun iha ne’e hanesan rezumu deit no la bele foti hanesan akonsellamentu legal. Informasaun ho opiniaun sira hato’o iha website ne’e no informasaun hirak ne’ebé ligadu la reprezenta diplomátiku no la limite ka afeta direitu Konsellu ba Delimitasaun Definitiva ba Fronteiras Marítimas, Gabinete Fronteiras Marítimas, ka Governu Timor-Leste.

Se iha no bele, Gabinete Fronteiras Marítimas fornese anexu no link sira iha lian Tetun.