Tetun Português English

Indonesia

Progresu ho Indonézia ba fronteiras marítimas

Indonézia kompostu husi illa liu husi 17,000 no fahe fronteiras marítimas ho Estadu sanulu. Indonézia agora konkorda tiha ona parte ho Malázia, Austrália, Tailândia, Singapura, Índia, Papua Nova Guiné, Vietnam no Filipinas. Indonézia hahú tiha ona negosiasaun ho Palau, no iha Fevereiru 2015 oferese atu hahú negosiasaun ba fronteiras marítimas ho Timor-Leste. Tuir fali enkontru ida entre Primeiru-Ministru Timor-Leste, Sua Esêlensia Dr. Rui Maria de Araújo no Prezidente Indonézia, Sua Esêlensia Joko Widodo iha Agustu 2015, Timor-Leste no Indonezia hahú koalia kona ba fronteiras marítimas iha Setembru 2015.

Timor-Leste haksolok ho progresu ne’ebe iha ho Indonézia. Iha sira nia konsultasaun ba dahuluk kona ba fronteiras marítimas, Estadu rua ne’e afirma katak poziasaun ba fronteira marítima permanente tenki negosia tuir lei internasional, liu-liu Nasoens Unidas nia Konvensaun ba Lei Tasi nian.

Negosiasaun formal ba fronteiras marítimas sei hahú iha 2016.

  • Timor-Leste nia Primeiru-Ministru Rui Maria de Araújo koalia ho Indonézia nia Prezidente Joko Widodo durante vizita ofisial ida ba Indonezia iha Agustu 2015.
  • Timor-Leste nia delegasaun iha konsultasaun daruak iha Surabaya, Indonézia.
  • Konsultasaun dahuluk iha Dili, Timor-Leste.
  • Timor-Leste nia delegasaun iha Surabaya, Indonézia.