Tetun Português English
  • Main page map

    Dezde restaurasaun ba nia independênsia iha 2002, Timor-Leste seidauk delimita nia fronteiras marítimas ho nia viziñu sira. Delimita fronteiras marítimas sai ona prioridade nasional ida.

    Timor-Leste halo esforsu durante tinan barak, atu negosia fronteiras marítimas permanentes ho Austrália. Maibé, Austrália hasees-an husi prosedimentus ne’ebé hodi buka rezolusaun vinkulativa ka kesi ba disputa ne’ebé relasiona ho fronteiras marítimas, no rekuza konvites, atu halo negosiasaun.

    Iha Abril 2016, Timor-Leste hahú prosesu konsiliasaun obrigatória ba dahuluk iha mundu tomak tuir Nasoens Unidas nia Konvensaun kona-ba Lei Tasi nian (UNCLOS). Liuhusi prosesu ida ne’e, Austrália no Timor-Leste hetan ona akordu kona-ba fronteira marítima permanente ida no asina Tratadu Fronteira Marítima istóriku ne’e hodi estabelese, ba dahuluk, fronteiras marítimas permanentes iha Tasi Timor.

    Timor-Leste agora foka fali ba delimitasaun fronteiras marítimas ho Indonézia no sira konkorda tiha ona atu servisu ba fronteira ida ne’ebé justu no ekitativa bazeia ba lei internasional.

Tanba sá mak ida ne’e importante? Asegura fronteiras marítimas hanesan kestaun soberania ba timoroan sira. Bainhira estabelese ona fronteiras marítimas permanentes tuir lei internasional, povu Timor-Leste sei sai nain ba soberania no kontrolu ba áreas marítimas iha fronteiras hirak ne’e nia laran.

.